माळीनगर (युगारंभ )-शिक्षण प्रसारक मंडळ संचलित श्रीमती रत्नप्रभादेवी मोहिते-पाटील गृहविज्ञान महिला महाविद्यालयात विद्यार्थिनींसाठी दिनांक 20.08.2022 रोजी ”करिअर गायडन्स व प्लेसमेंट सेल’ विभागाच्या वतीने ‘स्पोकन इंग्लिश’ या विषयावर कार्यशाळेचे आयोजन करण्यात आले होते.
यावेळी प्रमुख मार्गदर्शक म्हणून डॉ. डी. वाय. पाटील अकॅडमीचे स्पोकन इंग्लिश विभागाचे प्रमुख श्री. महेश लोहार व राज खतीब हे उपस्थित होते. अध्यक्षस्थानी महाविद्यालयाचे प्रभारी प्राचार्य डॉ. राहुल सुर्वे होते.
यावेळी विद्यार्थीनींना मार्गदर्शन करताना श्री. महेश लोहार म्हणाले की, ” इंग्रजी भाषा ही ज्ञानाची भाषा आहे. इंग्रजी भाषा सर्वांना लिहिता, वाचता व बोलता येणे आवश्यक आहे. इंग्रजी भाषेवर तुमचे प्रभुत्व असेल तर तुमचा आत्मविश्वास नक्कीच वाढतो. त्यामुळे इंग्रजी भाषेकडे दुर्लक्ष न करता ती आत्मसात करा ‘ असे बहुमोल मार्गदर्शन केले.
कार्यशाळेचे प्रास्ताविक करिअर गायडन्स व प्लेसमेंट सेलचे प्रमुख प्रा. अमित घाडगे यांनी केले. सुत्रसंचलन कु. प्रणाली फडतरे व आभारप्रदर्शन कु. आरती पवार यांनी केले.
याप्रसंगी महाविद्यालयातील डॉ. ऋषी गजभिये, डॉ. राजश्री निंभोरकर, डॉ. छाया भिसे, प्रा. के. के. कोरे व विद्यार्थिनी मोठ्या संख्येने उपस्थित होत्या.
