यशवंतनगर (युगारंभ )- अकलूज येथे माळशिरस तालुका व अकलूज परिसर फोटोग्राफर संघटनेचा स्नेह मेळावा आयोजित करण्यात आला होता व त्यानिमित्ताने विविध कार्यक्रम व उपक्रमांचे आयोजन संघटनेच्या वतीने करण्यात आले होते.
यामध्ये सर्व फोटोग्राफर यांचेसाठी वर्कशॉप आणि जेष्ठ फोटोग्राफर यांचा सन्मान सोहळा यानिमित्त पार पडला. सदर कार्यक्रमासाठी मुंबईहून श्री.अरुण कणसे सर आणि यशवंत बिराजदार सर -सोलापूर यांचे मोलाचे मार्गदर्शन झाले,तसेच सोलापूर येथील मा.दत्ता सर,आनंद सर, अमोल सर,संतोष सर, ज्ञानेश्वर सर यांनी हि उपस्थित राहून मोलाचे मार्गदर्शन केले
याप्रसंगी ज्येष्ठ फोटोग्राफर मा.गायकवाड मामा, एम.आर., हरिभाऊ बनसोडे,गंगाधर मामा यांनी ही मनोगत व्यक्त केले.
या उपक्रमात अकलूज तसेच परिसरातील सर्व फोटोग्राफर मित्रांनी उपस्थित राहून जो विश्वास दर्शवला त्याबद्दल सोमनाथ माने( अध्यक्ष) व कादर शेख (उपाध्यक्ष) यांनी सर्वांचे आभार व्यक्त करीत असाच विश्वास आमच्यावरती यापुढेही ठेवावा आणि आम्हाला आपली संघटना पुढे नेण्यासाठी सहकार्य करावे अशी सर्वांना विनंती केली.
